Hauptinhalt
Ms. 70 (niederhessische Bedenke-Verse)
In einer Handschrift aus dem Kloster Bursfelde stammenden Handschrift mit theologischen und juristischen Texten hat sich auf Blatt 265v ein Denkschrift in 27 Versen in niederhessischer Sprache erhalten. Auf der Seite ist zu lesen:
Bedenke daz dyn sele van gode dem alleredelsten ge / schaffen iß, daz sie eyn vnbegrifflich / edel creature iß, daz sie eyn ewich vnd vn / sterfflich creaure iß.
Bedenke daz dyn lyb van der vnreynsten materien / komen ist, daz der vff erden anders nicht / dan eyn drecksack ist, daz der gar balde / eyn gar stynkende aff worden ist.
Bedenke war umb dyn sele vnd lijff vereynt ist / warumb du von gode vff erden gesat bist / wie gar kurtz vnd vngewiss daz die zijt ist.
Bedenke was du mit libe ader sele gudeß gethan hast / was du mit libe ader sele boseß gethan hast / waz du guder werk dyn zijt versumet hast.
Bedenke wie du dyme fleysche nie gefolget habest dan gode / wie du der wereit nie gefolget habest dan gode / wie du dem dufel nie gefolget habest dan gode.
Bedenke wie du auch folnkommen ruwen hast vor dyne sunden / wie du auch gantz luter bicht habest gethan aller / wie du auch gemiglichen boss getragen habest vor dyne sunden.
Bedenke daz du nicht weyst wanne du sterven wurdest / daz du nicht weyst wo du sterven wurdest / daz di nicht weyst wie du sterven wurdest.
Bedenke daz du nicht myt dir uff erden bracht hast / daz di vbr lif vnd sele nicht eyngens hast / daz di nicht myt dir von hynne zo brenden hast.
Bedenke dye gerechticheyt vnd strendheyt dynes richters / dye vnwidderrofflicheyt syneß rechten ortels / dye ewicheyt des lones beyde der bosen vnd der guden.